من أروع القصائد باللهجة الجزائرية... الحجاب

10/03/2011

سلام من الله عليكم ورحمة منه وبركاته

أردت في هذا الطرح أن أضع بين أيديكم قصيدة لأحسن الشعراء الجزائريين الذين يكتبون باللهجة الجزائرية اسمه " فيصل كرشوش" أتمنى أن تنال إعجابكم
اسم القصيدة: الحجاب

قصيدة الحجاب

يــــــا لي سألتيــــني على الحجـــــــاب و قلتي لي وعــــــلاش مــا تكتبش عليه

نقــــولك بنت النــــــاس غلطتي فالباب أنا مــــاني عـــالـــــم و مـــــــاني فقيــــــه

نقولك برك الحق باه ما نكــونش كذاب و لا شيطـــــــان أخــــــرس و نسكت عليه

نشدك من قلبــــــك و نوصلــــك للـباب و البــــــاقي عليــــــــك أنتـــيا لي تكمليه

أتوجــــــهي لله وأفـتحــــــي لكتـــــــاب أقــــــراي القرآن و حــــــاولي تفهميــــه

الذكر اليسيــــــر الســـــاهل ما يصعاب و ربي سبحــــــانُو وحــــــــدُو اســــأليه

و رايي أنـــــــا ما تديريلــــوش حساب و حتــــى راي النـــاس ما تحوسيش عليه

مـــــا دام نـــزّل الحكـــــم الصــــواب و ربــــــي سبحـــــــــانو تكلـــــــم عليـــه

فـــــي سورة النــور و سورة الأحزاب ربي الخــــــــــالق يـــــــــأمر فــــــي نبيه

يستــــر بناتو وزواجو بالـحـجـاب ويستر المومـــنات صـــــلى الله عليه

لبنادم كان حــاب ولا ماشي حـــاب هنــــــايا الأمر مــــــاهوش فــي يديه

الي قــــالها ربي نديـرها بالترحاب ربي قالك ديريه امـــــالا غيــر ديريه

على خـــــاطر هـــو الرحيم التواب والّي يرحمـــــو راه يتـــــوب عليــــه

ويــــــلا تــــاب عليه يفتحلو لبواب بــــاش يربح هــــنا او يربـح الهيه

ولوكان اتديريه ايمــــانا واحتساب وبنية صـــــــادقة او خــــــالصة ليـه

اتــــأكدي بلي رايح يجيــــك شباب وما كـــــانش الوحدة الي ندمت عليه

صح فــــالأول راح عليك يصعاب يجي ليك إبليس يلعنــــو ويخزيه

يقولك مــــــازالك فــي عز الشباب هاذ الزين كامل راكي رايحة تخبيه ؟

الايمان فالقلب وانت راكـي صواب روحي شوفي كيفاه رام يمرمدو فيه

زعما من برى راهم ديـــرات حجاب والي مخبــــي غير ربي الي يعلم بيه

قوليلو يا بليـــــس كـــــلامك شباب مليـــــح الي يطيـــع ربي وما يعصيه

لكن البنــــــــادم خطــــــاء تــــواب لما يعمل السوء ما لازمش يجهر بيه

والي يستر روحوا و يعمل حسـاب لهـــــاذاك النهار لمّــــا نروحـــوا ليه

ربي يسترو فـــــي يـــــوم الحساب يحاسبو والناس كـــــامل بعــاد عليه

خير ملّـي يفضـــــحو قدّام لحباب خــاوتو واصحـابو واهـلو وامـاليه

ويقراو كامل واش كاين في لكتاب الـــــي ربــــي وحدو هو العــالم بيه

يالي سألتيـــــني علـــــــى الحجاب هذا هو الشـــي الّي قــــدرت عليه

و يلا حتى اللهنا مالقيتيش جـواب لجواب تلقايه ....نهـــــار اتديــــريه

امين يا رب العالمين

04/12/2010

بارك الله فيكم , قصيدة جميلة جدا

10/03/2011

وفيكم بارك الله
تشرفت بمروركم

05/07/2011

بارك الله فيك غاليتي ....

قصيدة رائعة ....

10/03/2011

سعودية سلفية كتب:: بارك الله فيك غاليتي ....

قصيدة رائعة ....

وفيكم بارك الله اخيتي سعودية سلفية

17/03/2010

بارك الله فيك..

19/05/2009

الذكر اليسيــــــر الســـــاهل ما يصعاب و ربي سبحــــــانُو وحــــــــدُو اســــأليه

و رايي أنـــــــا ما تديريلــــوش حساب و حتــــى راي النـــاس ما تحوسيش عليه

جميل جدا يا ام نور
ستر الله بنات المسلمين
بارك الله فيك

10/03/2011

وفيكم بارك الله

18/05/2011

جزاك الله عنا كل خير ياختنا ام نور
وبارك الله في شعرائنا الجزائريين وما ادراك مالجزائريين
والله يسترنا من الحاقدين على بلادنا

10/03/2011

عطاالله عبدالله كتب:: جزاك الله عنا كل خير ياختنا ام نور
وبارك الله في شعرائنا الجزائريين وما ادراك مالجزائريين
والله يسترنا من الحاقدين على بلادنا

واياكم

» تنبيه الصائمين على عبارات خاطئة - باللهجة الجزائرية - للشيخ عمر الحاج مسعود الجزائري
» من أروع الأصوات الجزائرية قراءة للقرآن ...
» الحجاب الشرعي ومدينة "إليزي" الجزائرية ؟؟..
» فتاوى متفرقة باللهجة العامية للشيخ عبد الرحمن الهاشمي الجزائري رحمه الله
» تفسير آيات متفرقات باللهجة العامية للشيخ عبد الرحمن الهاشمي الجزائري رحمه الله

من أروع القصائد باللهجة الجزائرية... الحجاب

من أروع القصائد باللهجة الجزائرية... الحجاب

مواضيع مماثلة

مواضيع مماثلة